Хятадын төр засаг коронавирусийн халдварын дэгдэлтийн улмаас дэлхийн мөрийтэй тоглоомын томоохон газарт тооцогддог Макаогийн зочид буудал, казиног өчигдөр хаажээ.

Цагдаагийн хувцастай, зэвсэгтэй хүмүүс цогцолборыг бүсэлж, хүмүүсийг оруулж, гаргахгүй байна. Энд хашигдсан 700 хүнээс COVID-19-ийн шинжилгээ авах аж.

600 мянган хүн амтай Хятадын тусгай засаг захиргааны уг бүсэд амралтын өдрүүдэд коронавирусийн нэлээд хэдэн тохиолдол илэрсэн тул хоёр хоногийн хугацаанд нийтээр нь шинжилгээнд хамруулахаар болсон гэнэ.

Португалын колони байсан Макаод ч мөн COVID-ыг ор мөргүй арилгах Хятадын бодлого хэрэгждэг байна.